Mariano é un dos mellores fotógrafos que temos neste país. A súa obra de autor toca a paisaxe, a figura humana e o documentalismo. Comercialmente traballa tamén a arquitectura e a moda. "As miñas series máis importantes son, o traballo que fixen sobre a costa de Galicia e un traballo documentalista de tres anos sobre a xente en Santiago" Ademais adícase ao deseño gráfico e anda metido en varios proxectos na rede.

"Sitúo case todas as miñas temáticas en Galicia, o cal non me provocou máis que problemas... os pseudosabidos córrense de gusto vendo as putas de García-Alix, pero as miñas vendedoras de grelos, dragqueens galegas ou manifas varias sinxelamente non existen"

O seu nível técnico e artístico colócao como autor de primeira liña en Europa mais non atopa recoñecemento algún por parte das institucións da Galiza. "¿Morrer de noxo?, ¿Marchar pra Alemaña? Queren aniquilarnos"

Quen sabemos das dificultades que teñen @s artistas galeg@s para expoñer en foros axeitados, quen coñecemos as súas fotografías, agardamos un tempo no que Mariano poda facer arte nun país libre das tramas clientelares que hoxe tamén están a colapsar a escea pública da cultura.